சஹானாவும் புவனாவும் சேர்ந்து மொட்டை அடித்துக்கொள்வதாக கூறியது அரவிந்த்தை குழப்பமடையச்செய்தது. சஹானா அவளுடைய தலையை அரவிந்த் கையால் மொட்டை அடிக்க சம்மதம் தெரிவித்தது அவனுக்கு ஏற்கனவே தெரியும். அவன் மனதளவில் அதற்கு தயாராகவே இருந்தான். ஆனால் இப்போது அவனுடைய அம்மா புவனாவும் அவளுடைய தலையை மொட்டை அடித்துக்கொள்வதாக கூறியதுதான் அதிர்ச்சியாக இருந்தது.
தன்னுடைய இடுப்பளவு அடர்த்தியான கூந்தலை இனிமேல் வெட்டிக் கொள்ளவே மாட்டேன் என சொல்லிக் கொண்டிருந்தவள் இப்போது ஒரே அடியாக மொட்டையடித்துக் கொள்வதாக சொல்வது தான் ஏன் என புரியவில்லை. அவளுக்கு எண்ணை தேய்த்து விடும் போதெல்லாம் அவளுடைய தலையில் கத்தியை வைத்து மொட்டை அடிப்பது போல நினைத்துப்பார்ப்பான். இப்போது அந்த ஆசை அவன் கேட்காமலேயே நிறைவேறுவது அவனுக்கு மகிழ்ச்சியே. ஆனாலும் ஒரே நேரத்தில் சஹானாவும் மொட்டை அடித்துக்கொண்டு, புவனாவும் மொட்டை அடித்துக்கொண்டால், இனிமேல் யாருடைய தலைமுடியில் விளையாடுவது என யோசனையாய் இருந்தது
அரவிந்த் அங்கு நடப்பது புரியாமல் இருப்பதை சஹானா, புவனா இருவரும் கவனித்தனர். சஹானா அவனை சிரித்துக்கொண்டே ரசிக்க ஆரம்பித்தாள். புவனா அரவிந்திடம் நடந்தததை எடுத்துக்கூறினாள். அரவிந்த் இல்லாத நேரத்தில் தனிமையில் நிறைய பேசிக்கொள்ளும் சஹானாவும் புவனாவும் ஒருநாள் சஹானாவின் அம்மாவை பற்றி பேசினார்கள். அப்போது சஹானா தன்னுடைய அம்மாவை பற்றி அழுகொண்டே கூறியது புவனாவின் மனதை கரையச்செய்தது.
சஹானா அப்போதுதான் முதன் முதலாக தன் மனதில் மொட்டை அடித்துக்கொள்ளும் ஆசை இருப்பதை கூறினாள். இவ்வளவு நீளமான அழகான முடியை மொட்டை அடித்துக்கொள்வதாக கூறியது புவனாவிற்கு அதிர்ச்சியாக இருந்தது. இவ்வளவு நீளமான தலைமுடியை மொட்டை அடித்துக்கொள்ள சஹானாவே தயாராக இருக்கும்போது தன்னுடைய மகனுக்காக முடியை கொடுக்க தான் ஏன் யோசிக்க வேண்டும் என்றுதான் அர்விந்த் தன்னுடைய முடியை வெட்டிக்கொள்ள புவனா அனுமதித்தாள். அரவிந்தும் புவனாவின் தலைமுடியில் பாதி வெட்டி எடுத்துக்கொண்டான்.
ஆனால் அதற்கு பின்னர்தான் புவனாவின் மனதிலும் மொட்டை அடித்துக்கொள்ளும் ஆர்வம் வந்தது. இருவரும் மொட்டை அடித்துக்கொள்வதை பற்றி அடிக்கடி பேசிக்கொண்டனர். புவனா மொட்டை அடிப்பதில் அதிக ஆர்வம் காட்டுவதை சஹானா உணர்ந்தாள். ஒரு கட்டத்தில் தனக்கும் மொட்டை அடித்துக்கொள்ளும் ஆர்வம் வந்ததாக புவனா சஹானாவிடம் கூறினாள்.
ஆனால் தன்னுடைய தலைமுடியை இழப்பதற்கு கொஞ்சம் தயக்கம் இருப்பதாக கூறினாள். சஹானா எப்போது மொட்டை அடிக்கிறாளோ அப்போது புவனா தானும் மொட்டை அடித்துக்கொள்வதாக சம்மதித்தாள். ஆனால் இருவரும் இதை ரகசியமாக வைத்திருந்து கடைசியில் சொல்ல வேண்டும் என்று பேசி வைத்துக்கொண்டனர். புவனாவின் மொட்டை அடிக்கும் பயத்தை போக்கிக்கொள்ள சஹானா ஒரு யோசனை சொன்னாள். புவனாவிற்கும் அது சரி என்று பட்டது. அரவிந்த் வீட்டில் இல்லாத போது அதனை இருவரும் சேர்ந்து செயல் படுத்தினார்கள்.
புவனா சஹானா இருவரும் சேர்ந்து கொஞ்சம் தொலைவில் உள்ள ஊருக்கு சென்றனர். அங்குள்ள கோவிலுக்கு வெளியில் இருந்த முடி காணிக்கை செலுத்தும் இடத்திற்கு சென்றனர். இருவரும் சென்று ஒரு மொட்டை அடிக்கும் டோக்கன் வாங்கிக் கொண்டனர். சஹானா அதை புவானவிடம் கொடுத்தாள். சற்று தயங்கிக்கொண்டே புவனா அதை வாங்கிக்கொண்டாள். ஓரளவு கூட்டம் இருந்தது. புவனாவும் சஹானாவும் சென்று ஒரு வரிசையில் நின்றனர். புவனாவிற்கு முன்னால் நாற்பது வயதை கடந்து ஒரு பெண்மணி நின்றிருந்தாள். முதுகுவரை இருந்த சற்று அடர்த்தியான பட்டுக்கூந்தலை கழுத்தருகில் ஒரு ஒரு பெரிய க்லிப் மட்டும் போட்டு கட்டியிருந்தாள்.
நாவிதன் அருகே வந்ததும் தன்னுடைய தலையில் இருந்த க்லிப்பை கழட்டிவிட்டு தன்னுடையை தலைமுடியை விரித்து விட்டாள். புவனா அவளை கண்கொட்டாமல் பார்த்தாள். அந்த பெண் நாவிதன் முன்னால் அமர்ந்ததும் அவன் அவளுடைய தலைமுடியை எடுத்து முன்னால் போட்டு தண்ணீர் ஊற்றி நன்றாக மசாஜ் செய்தான். அவனுடைய கைகள் பரபரப்பாக வேலை செய்தது. அந்த பெண்ணின் ஈரமான தலைமுடியை இரண்டு கொண்டைகளாக போட்டுவிட்டு கையில் தயாராக வைத்திருந்த சவரக்கத்தியை எடுத்து அவளுடைய தலையை சிரைக்க ஆரம்பித்தான். மடமடவென அவன் சிரைத்த வேகத்தில் அந்த பெண்ணின் தலை சீக்கிரமாக மொட்டையாக மாற ஆரம்பித்தது. புவனா வைத்த கண் மாறாமல் மொட்டை அடிப்பதை கவனித்தாள். அடுத்த ஓரிரு நிமிடங்களில் அந்த பெண் மொட்டை தலையோடு எழுந்து நகர்ந்தாள்.
அடுத்தது புவனாதான். தன்னுடைய ஜடையை எடுத்து முன்னால் போட்டு நாவிதன் முன் அமர்ந்தாள். நாவிதன் ஜடையோடு மொட்டை அடிக்க வேண்டுமா எனக்கேட்டபோது இல்லை என்றாள். நாவிதன் அவளுடைய ஜடையை அவிழ்த்துவிட சொன்னான். அப்போது சஹானா “நீங்களே ஜடையை அவிழ்த்துக்கோங்க அண்ணா” என்றாள். புவனாவும் அதை ஆமோதிப்பதுபோல தன்னுடைய ஜடையை எடுத்து நீட்டி “கொஞ்சம் பொறுமையா பண்ணுங்க” என்றாள்.
நாவிதன் அவளை வினோதமாக பார்த்துவிட்டு அவளுடைய ஜடையை கையில் வாங்கிக்கொண்டே “முதல் தடவையா மொட்டை அடிக்கிறீங்களா?” என்றான். புவனா ஆமாம் என்பது போல தலையாட்டினாள். பின்னர் அவன் பொறுமையாக புவனாவின் ஜடையை அவிழ்த்துவிட்டான். அவளுடைய பின்னலில் இருந்து அடர்த்தியான முடி வெளிவர ஆரம்பித்தது. இன்னொருவன் கையால் முடியை அவிழ்த்துவிடுவது புவனாவிற்கு சற்று கூச்சமாக இருந்தது. அவளுடைய முடியை விரித்துவிட்டு அவள் தலையை குனிய வைத்து மொத்தமாக முன்னாடி எடுத்து போட்டான். இப்போது புவனாவின் கண் முன்னால் அவளுடைய முடி மட்டுமே தெரிந்தது.
நாவிதன் தண்ணீரை எடுத்து அவள் தலையில் ஊற்றி நன்றாக மசாஜ் செய்தான். இரண்டு நிமிடங்கள் கண்களை மூடி அனுபவித்தாள். மசாஜ் செய்வதை நாவிதன் நிறுத்தினான். கண்களை திறந்து முடியை விளக்கி பார்த்தாள். நாவிதன் மொட்டை அடிக்கும் சவரக்கத்தியை எடுத்து அதில் பிளேடை சொருகிக்கொண்டிருந்தான். அதை பார்த்ததும் புவானவின் இதய துடிப்பு அதிகமானது. சஹானாவின் செல்போன் ஒலித்தது.
அவன் புவனாவின் தலையில் கையை வைத்து குனிய வைத்து கத்தியை அவளுடைய உச்சந்தலையில் வைத்தான். அடுத்து என்ன நடக்கப்போகிறது என உணர்ந்த புவனா கண்களை மூடிக்கொண்டாள். நாவிதன் புவனாவின் தலைமுடியை மழிப்பதற்கு முன் சஹானா நிறுத்தினாள். “அண்ணா… ஒரு நிமிஷம் பொறுங்க….” என்றாள்.
நாவிதன் புவனாவின் தலைமுடியில் வைத்த கத்தியை எடுத்தான். “அம்மா.. தாத்தாஉக்கு ஏதோ ஆக்ஸிடெண்ட்டாம். மாமா போன் பண்றாங்க” என்று பதட்டப்படுவதுபோல கூறினாள். போனை இங்க கொடு என்று சொல்லி போனை வாங்கிக்கொண்டே புவனா எழுந்தாள். புவனா போனில் பேசுவதுபோல அங்கிருந்து நகர்ந்தாள். “அண்ணா.. நீங்க அடுத்த ஆளை பாருங்க.. நாங்க திரும்பி வாறோம்” னு சொல்லிவிட்டு சஹானாவும் அங்கிருந்து நகர்ந்தாள்.
அங்கிருந்து வெளியே வந்த புவனா அவசரமாக தன்னுடைய முடியை துண்டு கொண்டு துவட்டினாள். நூழிழையில் தன்னுடையை தலைமுடியை மொட்டை அடிப்பதில் இருந்து காப்பாற்றிக்கொண்ட திரில்லீங்கான அனுபவம் அவள் மனதில் பதிந்தது. மொட்டை அடிக்கும்போது எப்படி இருக்கும் என்று ஒருவாறு புரிந்துகொண்டாள் புவனா.
சஹானாவின் ஐடியா நன்றாக வேலை செய்தது. தன்னுடைய ஈரமான தலைமுடியை அடியில் ஒரு கொண்டை மட்டும் போட்டுக்கொண்டு கோவிலுக்கு சென்று வந்தாள். கோவிலுக்கு வெளியே வந்தபோது அவளுடைய தலைமுடி நன்றாக உலர்ந்து இருந்தது. சஹானாவிடம் இருந்த சீப்பை வாங்கி மறுபடி தன்னுடைய முடியை சீவி ஜடை பின்னிக்கொண்டாள். இருவரும் சேர்ந்து சீக்கிரமாக வீட்டிற்கு வந்தனர்.
பின்னர் இதே போல மேலும் இரண்டு முறை வேறு வேறு கோவிலுக்கு சென்று புவனா தன்னுடைய தலையை மொட்டை அடிப்பதுபோல அமர்ந்து நாவிதனிடம் தலைமுடியை கொடுத்து மனதளவில் தன்னை தயார் படுத்திக்கொண்டாள். புவனா கூறியதை கேட்டு முடித்தபோது அரவிந்திற்கு சற்று கோவம் வந்தது. அவனுக்கு தெரியாமல் இவ்வளவு நடந்தது பற்றி கோவமாக இருந்தான். ஆனால் புவனா இதை செய்தது அவனுக்கு ஆச்சரியமாக இருந்தது. கோபத்தை ஒதுக்கி வைத்து அம்மாவின் தலையையும் சேர்த்து மொட்டை அடிக்க நினைத்தான்
அரவிந்த்: இல்லம்மா.. எனக்காக நீங்க நிறைய விட்டுக்கொடுத்தீங்க… அதுனால உங்களோட ஆசையை நான் மதிக்கிறேன்.
